Home
એન્ટરટેઇનમેન્ટ
સૈફ અલી ખાન પરના હુમલા અંગે કરીના કપૂર ખાનની પહેલી પ્રતિક્રિયા, "હુમલાખોરે છરી લઈને...."

સૈફ અલી ખાન પરના હુમલા અંગે કરીના કપૂર ખાનની પહેલી પ્રતિક્રિયા, "હુમલાખોરે છરી લઈને...."

07:37 PM January 16, 2025 Gujju News Channel

બોલિવૂડ એક્ટર સૈફ અલી ખાન પર બુધવારે રાત્રે લગભગ 2:30 વાગ્યે મુંબઈના ખાર સ્થિત તેમના નિવાસસ્થાને છરી વડે હુમલો કરવામાં આવ્યો હતો. સૈફની ગરદન, પીઠ, હાથ અને માથા પર છરીના ઘા મારવામાં આવ્યા છે. સૈફને વહેલી સવારે 3:30 વાગ્યે લીલાવતી હોસ્પિટલમાં લાવવામાં આવ્યો, જ્યાં તેની સર્જરી કરવામાં આવી હતી.

Saif Ali Khan Attacked With Knife : બોલિવૂડ એક્ટર સૈફ અલી ખાન પર મોડી રાત્રે થયેલા હુમલા બાદ તેની પત્ની કરીના કપૂર ખાને પ્રથમ પ્રતિક્રિયા આપી છે. કરીના કપૂર ખાને ચાહકો અને મીડિયાને ધીરજ રાખવા અને અટકળો ન લગાવવા અપીલ કરી છે. ગઈકાલ મોડી રાત્રે સૈફ પર એક અજાણ્યા શખ્સે ચપ્પાના છ ઘા માર્યા હતા. જેમાં તેને કરોડરજ્જૂ અને ગળાના ભાગમાં ગંભીર ઈજાઓ થઈ હતી. લીલાવતી હોસ્પિટલમાં સારવાર લઈ રહેલા સૈફની ન્યૂરો સર્જરી બાદ કોસ્મેટિક સર્જરી પૂર્ણ થઈ છે. અને હવે તે સ્વસ્થ હોવાનું હોસ્પિટલે જણાવ્યું છે.

► કરીના કપૂરે શાંતિ જાળવવા કરી અપીલ

કરીના કપૂરે પતિ પર થયેલા હુમલા પર પ્રથમ પ્રતિક્રિયા આપી હતી કે, 'ઘરમાં ગઈકાલ મોડી રાત્રે ચોરીનો પ્રયાસ થયો હતો. જેમાં પરિવારને બચાવવા જતાં સૈફ પર ચોરે ચપ્પાથી હુમલો કર્યો હતો. તેને હાથમાં વાગ્યું છે. પરિવારના અન્ય સભ્યો સુરક્ષિત છે. અમે મીડિયા અને ચાહકોને અપીલ કરીએ છીએ કે, તેઓ ધીરજ જાળવે અને કોઈ અટકળો ન ફેલાવે. પોલીસ તપાસ કરી રહી છે. તમારી ચિંતા માટે તમામનો આભાર...'

► સૈફની સર્જરીમાં 3 ઈંચ લાંબી ધારદાર વસ્તુ નીકળી

લીલાવતી હોસ્પિટલના સીઓઓ ડો. નીરજ ઉત્તમાનીએ જણાવ્યું કે, સૈફ અલી ખાનને તેના બ્રાંદ્રા સ્થિત ઘરમાં એક અજાણ્યા શખ્સે ચાકુના છ ઘા માર્યા હતા. સવારે 3.30 વાગ્યે તેને હોસ્પિટલ લાવવામાં આવ્યો હતો. જેમાં કરોડરજ્જૂની નજીક વાગેલો ઘા ઊંડો હતો. એક્ટરના ઓપરેશન ન્યૂરોસર્જન, કોસ્મેટિક સર્જન અને એનેસ્થેટિસ્ટ ડો. ના નેતૃત્વ હેઠળ સારવાર ચાલી રહી છે. ન્યૂરો સર્જરી પૂર્ણ થઈ છે. જેમાં એક્ટરના શરીરમાંથી 3 ઈંચ લાંબી ધારદાર વસ્તુ કાઢવામાં આવી છે. જે ચપ્પાનો એક હિસ્સો છે. કોસ્મેટિક સર્જરી ચાલી રહી છે.

► કેવી રીતે થયો હુમલો?

સૈફના મુંબઈના બાંદ્રા સ્થિત ઘરમાં અચાનક ચોર ઘૂસી આવ્યો હતો. જેની જાણ સૌ પ્રથમ નોકરાણીને થઈ હતી. નોકરાણીએ બૂમાબૂમ કરતાં સૈફ આવ્યો હતો. જેમાં ચોરે સૈફ પર ચપ્પાથી હુમલો કરી દીધો હતો. તેને ગળા, હાથ અને કરોડરજ્જૂના ભાગે ઈજાઓ થઈ હતી. ચપ્પાના કુલ છ ઘા વાગ્યા હતા. જેમાં કરોડરજ્જૂ અને ગળાના ભાગે ગંભીર ઈજાઓ થઈ હતી. નોકરાણી પર પણ હુમલો થયો હતો, તેને સામાન્ય ઈજા થઈ હતી. નોકરાણી પણ લીલાવતી હોસ્પિટલમાં સારવાર લઈ રહી છે. તેની હાલત સ્થિર છે.

► સૈફ પર હુમલો કરનાર CCTVમાં કેદ

હુમલા સમયે પોલીસે એ વિસ્તારનો ડમ્પ ડેટા મેળવ્યો હતો, જેનાથી પોલીસને એ સમયે એ વિસ્તારમાં કયા મોબાઇલ નેટવર્ક સક્રિય હતા એ જાણવામાં મદદ મળી. એના આધારે પોલીસે આરોપીઓની ઓળખ કરી છે. પોલીસસૂત્રોના જણાવ્યા અનુસાર, સૈફ અલી ખાનના ઘરે ચોરી અને હુમલો કરનારી વ્યક્તિ હિસ્ટ્રીશીટર હોઈ શકે છે. આ ઘટનાની મોડસ ઓપરેન્ડી જોતાં, હુમલાખોર સામે અગાઉ પણ આવા જ કેસો નોંધાયેલા હોઈ શકે છે. પોલીસનું માનવું છે કે આવી ઘટના ફક્ત એક ચાલાક અને જૂનો આરોપી જ અંજામ આપી શકે છે.